I løpet av hausten vil vi starte bygginga av den første av i alt tre 2-mannsbustader med moderne uttrykk. Bustadane har ei svært unik plassering nært sjøen i Eidsvika, og med tilkomst via ei blindgate utan gjennomgangstrafikk. Alle leilegheitene er sørvendte, og har kjempefin plassering på utsiktstomt i eit roleg bustadområde. Bustadane har gode uteareal med balkong mot sør, og treplatt på terreng på sidene. Innkøyring og parkering på sørsida av bustadane, og kvar leilegheit har ein parkeringsplass i garasje i tilknyting til bustaden.

Her får du panoramautsikt mot fjord og fjell, og årstidene i all si prakt rett inn i heimen, samtidig som du kan nyte gode dagar i ei lys, moderne og romsleg leilegheit. Store vindauge mot sør slik utsikta kan nytast både frå kjøkken og stue. God planløysing der stue og kjøkken er utforma som delvis opent areal med god kontakt mellom romma. Leilegheitene har bad i begge etasjar, og eit soverom nede og to oppe. Separat vaskerom i underetasjen, og stor sportsbod i bakkant av garasjen.

Med kort køyretid både til Moa, Ålesund sentrum og Brattvåg, og med kort avstand til barnehage, barne- og ungdomsskule, butikkar, idrettsanlegg m.m. er Eidsvika ein attraktiv buplass for svært mange. Området er utbygd dei siste åra med einebustader, småhus og lavblokker, og er ein del av eit lite lokalsamfunn med bustader for folk i alle livsfasar. Naturen i området er eit eldorado for alle som er glade i å vere ute, her er mellom anna badestrand innerst i fjorden, flotte turstiar i nærområdet og sjøen som næraste nabo.