Vatne – Vatnehagen II – kjempefine moderne leilegheiter i 4-mannsbustad – Ta kontakt for visning!

Moderne leilegheiter i 4-mannsbustad på ei kjempefin tomt i eit idyllisk bustadområde i Vatnehagen. Leilegheit nr. 4 er no ferdigstilt, og vert selt klar til innflytting. Vi er i gang med maling- og flisarbeid på leilegheit nr. 1. Her kan kjøpar velge om golvlegging m.m. skal utførast som eigeninnsats eller ei. Alle leilegheitene er sørvendte og har gode solforhold, og ligg usjenert til i eit allereie etablert og roleg bustadområde. Vatne barneskule ligg like i nærleiken, berre eit par hundre meter frå feltet. Det er også gangavstand til barnehage, daglegvarebutikk, kafe, treningssenter, småbåthavn m.m.

4-mannsbustaden har eit moderne uttrykk med ein stram arkitektur. Her er store homogene flater i same fargar og materialar, og mange av kvalitetane har arkitekten valgt å heve fram ved å bruke fargar og materialar. Skråtaket gir bustaden eit uttrykk som er både moderne og tidlaust på same tid. Leilegheitene inneheld stue/kjøkken, to soverom, gang, bad, innvendig bod og utebod. Alle leilegheiter har utgang til balkong eller markterrasse, og innsynet mellom naboane er skjerma av skilleveggar mellom leilegheitene. Kvar leilegheit har ein parkeringsplass i carport der ein kan plassere bilen i le for vèr og vind. I tillegg har kvar leilegheit ein parkeringsplass på gardsplass. Sportsbodene ligg på sida av bustaden tett opp til inngangspartiet til leilegheitene slik ein har enkel tilgang. Asfaltering er inkludert i leveransen, og veg og parkeringsareal er no ferdig asfaltert.

I nærområdet er her fleire flotte friluftsområder med fine turstiar, og ikkje langt unna ligg Gurinesbukta, eit nydeleg rekreasjonsområde med badeplass. Området har gode vilkår for friluftsliv med ferskvatn og eit flott turlandskap. Ein variert natur gir gode føresetnader for ulike aktivitetar for alle. På Vatneeidet nokre få minutt unna med bil ligg Vatne ungdomsskule, Eidet kulturhall og IL Ravn sitt idrettsanlegg. I tillegg er her to daglegvarebutikkar, diverse andre butikkar, frisør, legekontor, tannlege, Eidet omsorgssenter, bensinstasjon med gatekjøkken m.m. Køyretid til Digerneset 15 minutt, til Moa 25 minutt, og til Ålesund sentrum via Ellingsøya ca. 35 minutt.

Sjå også meir informasjon og fleire perspektiv lengre nede på denne sida. For meir informasjon ta kontakt med Jofrid Hatlehol, tlf. 970 12 140, e-post: jofrid@morehus.no